വെളിച്ചമസ്തമിച്ചതിനു ശേഷം
വഴികളൊരിരുട്ടു മുറിയിലിരുന്നു തീകായുന്നു.
ഇരുട്ടുപിളര്‍ന്നു വാതിലുകള്‍ നടന്നുതുടങ്ങുമ്പോള്‍
വഴികളുടെയൊരാകാശത്തെ സിനിമാകൊട്ടക
നഗരപ്രാന്തത്തിലുപേക്ഷിക്കുന്നു.
ആരോ വരച്ചു ചേര്‍ത്ത ഭൂപടങ്ങളിലൂടെയവ ചെരിവുകളിലേക്ക് മറയും .
വറ്റിത്തീരും മുന്നേ പുഴ വീണ്ടുമൊഴുകിയെത്തും.
തോര്‍ന്നു തുടങ്ങുമ്പോഴേക്കും
കൊട്ടക വീണ്ടും പ്രസവിക്കും.
അസാന്നിദ്ധ്യത്തിന്റെയൊരു
ചുവടുപോലുമവശേഷിപ്പിക്കാതെ
ഉറങ്ങാത്ത നിഴലുകള്‍ യാത്രയിലാണ്.
ജനതയില്‍ നിന്നേകാന്തതയിലേക്കൊളിച്ചു
കടക്കാനൊരു വഴിയെത്രയോ
കാലമായി തിരയുകയാണീ നഗരം.
വഴികളൊരിരുട്ടു മുറിയിലിരുന്നു തീകായുന്നു.
ഇരുട്ടുപിളര്‍ന്നു വാതിലുകള്‍ നടന്നുതുടങ്ങുമ്പോള്‍
വഴികളുടെയൊരാകാശത്തെ സിനിമാകൊട്ടക
നഗരപ്രാന്തത്തിലുപേക്ഷിക്കുന്നു.
ആരോ വരച്ചു ചേര്‍ത്ത ഭൂപടങ്ങളിലൂടെയവ ചെരിവുകളിലേക്ക് മറയും .
വറ്റിത്തീരും മുന്നേ പുഴ വീണ്ടുമൊഴുകിയെത്തും.
തോര്‍ന്നു തുടങ്ങുമ്പോഴേക്കും
കൊട്ടക വീണ്ടും പ്രസവിക്കും.
അസാന്നിദ്ധ്യത്തിന്റെയൊരു
ചുവടുപോലുമവശേഷിപ്പിക്കാതെ
ഉറങ്ങാത്ത നിഴലുകള്‍ യാത്രയിലാണ്.
ജനതയില്‍ നിന്നേകാന്തതയിലേക്കൊളിച്ചു
കടക്കാനൊരു വഴിയെത്രയോ
കാലമായി തിരയുകയാണീ നഗരം.
